其實睇完之後只能說大家未一齊住過...
唔知道大家既生活習慣同差異..
不過要個外國老婆自己一個去酒樓等位真係冇品左D...
唔嫁都嫁左...冇辦法..
環球膠報【中伏鳥！Kawaii日本妹嫁港男後, 向祖國投訴？(下集)】
日本電視台上周播咗個節目叫《世界の日本人妻は見た》，專睇佢哋外嫁海外嘅索人妻生活情況，其中仲有香港份！！！
_______________________________________
話說可愛日本妹生活苦悶，上網俾個留學日本港男胡輝媾掂，經過一輪long D苦戀，2012年胡輝仲叫佢來港同居，雖然胡輝做地盤月入兩皮唔算多，但根據高登教父定律，住粉嶺私樓果然更易得米，六個月後求婚成功。
但o架妹住唔住得慣？
相戀好同住難，當然唔慣，或者，我哋香港人習以為常嘅生活習慣，喺佢哋日本人眼中，就如大陸人啲生活習慣喺我哋眼中，一樣咁騎呢...
1.信風水乜都金色
日本人新房通常由老婆話事點裝修，點知佢老公一句話要就風水，就變咗佢老公嘅家姐話事，要佢哋全屋金，由窗簾到鋼琴布，甚至床下底都要擺金色硬幣(又擺唔起真金幣喎！）。人妻勁無奈，節目主持問佢想個窗簾係咩色？ 佢苦笑話，對得太耐，呢家只能想到用beige色，本來佢好想用pink色嘅。
為咗風水，老公話明第日生仔要擇日開肚，人妻超抗拒，本來溫婉嘅佢，都話要自然生，唔係就返日本。
(喂香港人係咁迷信架啦！)
2.晾衫架勁私縮
日本人家裡多數有個小露台，好啲嘅直情有花園仔。當人妻知道要在廚房嘅小窗晾衫好震驚。有時摸黑晾勁危險，佢話老公同佢講過年中都有幾個人因晾衫跌落街，嚇死佢。
周不時又有底橫跌落佢嘅晾衫架，勁尷嘅佢有時要上樓上俾返人，但又唔多識講廣東話好難溝通。好似呢集上面住客對佢仲好防備添，講咗好耐只開個門縫俾佢攝底底入去。
(喂香港係咁細架啦！)
3.dirty報紙墊枱 吐骨落枱面
成日食蒸魚嘅老公，一開餐就鋪報紙方便吐骨。你睇日劇都見到日本人喺屋企開飯，不論日餐西餐都有靚靚table setting嘅啦，最起碼都有塊檯墊。況且老公仲要咁吐骨法，吐到人妻反胃。佢唔理解點解唔拿多個碗或骨碟用來吐骨。
日本人覺得啲食店都好dirty，個個lur骨落枱面，Eeeeeeeee
(喂香港人係咁貪方便架啦！)
4.杯麵倒落馬桶
食杯麵，老公仲麻甩，話油淋淋倒麵水入屎坑好方便喎。鬼咩又唔駛你洗廁所。人妻覺得好唔衛生好核突，講明想佢咪咁做，老公睬佢都傻。
(喂香港人係咁架啦，煙頭餸汁，乜都倒落馬桶架啦，方便嘛！麵水就更架啦)
5.飲茶勁耐 又等又食得耐
飲茶有咩唔好？ 連節目主持開頭都羨慕人妻成日有得飲茶食靚點心，殊不知逢周日都要佢一早8:30am出門口，一個人揾位，全家就喺屋企睇住電視等個日本乖新抱call食，呢種委屈，我見猶憐。
見佢一個人落街，廣東話又唔多識，搵足2間酒樓先搵到位，要洗乾凈晒食具先敢叫老公落嚟，期間仲拿住本廣東話課本狂操。到老爺奶奶同台食飯都10點啦(即係一個人搵咗粒幾鐘位！)奶奶仲要當佢面同個仔講：你老婆幾時先識講廣東話！喂，你新抱都識聽少少，尊重下人好喎。
佢唔識廣東話自然無份叫嘢食，老公亦似唔多理佢齋同老豆老母傾，人妻唯有食嘢only。見佢木無表情咬住個奶黃包，倦到打晒喊露。同檯食飯全無交流，好囉到老爺話走得，原來食咗3粒鐘！ 主持問人妻咩感受，落晒形嘅佢話，個個禮拜都係咁，如果一個月一次就好。
(喂飲茶係架啦！)
其他外國地方http://v.youku.com/v_show/id_XNTQ1NDc0Njk2.html
______________________________________________
嗱嗱嗱，結咗婚覺得辛辛苦嗰啲人妻呀下，唔好Share呀！ 唔好借啲依呀。
咁咩人啱Share？
結咗婚唔洗老婆排隊飲茶，做埋家務洗埋廁所，屋企有個小花園養狗，乖乖哋搵錢俾老婆享福嗰啲老公囉，必Share哂命!!!
上集
http://www.facebook.com/video/video.php?v=488692517863160
下集
http://www.facebook.com/video/video.php?v=488692117863200
Search